S'git lüt die würde alletwäge nie
Es lied vorsinge so win ig jitz hie
Eis singen um kei prys nei bhüetis nei
wil si hemmige hei
Si wäre vilicht gärn im grund gno fräch
Und dänke das syg ires grosse päch
Und s'laschtet uf ne win e schwäre stei
Dass si hemmige hei
I weiss das macht eim heiss verschlat eim d'stimm
Doch dünkts eim mängisch o s'syg nüt so schlimm
S'isch glych es glück o we mirs gar nid wei
Dass mir hemmige hei
Was unterscheidet d'mönsche vom schimpans
S'isch nid di glatti hut dr fählend schwanz
Nid dass mir schlächter d'böim ufchöme nei
Dass mir hemmige hei
Me stellt sech d'manne vor wenns anders wär
Und s'chäm es hübsches meiteli derhär
Jetz luege mir doch höchschtens chly uf d'bei
Wil mir hemmige hei
Und wenn me gseht was hüt der mönschheit droht
So gseht me würklech schwarz nid nume rot
Und was me no cha hoffe isch alei
Dass si hemmige hei
Hemmige Songtext auf Deutsch von Stephan Eicher durchgeführt und Urheberrechte sind Eigentum der Autoren, Künstler und Labels. Sie sollten beachten, dass Hemmige Songtext auf Deutsch durchgeführt von Stephan Eicher ist nur für didaktische Zwecke, und wenn Sie den Song mögen, sollten Sie die CD kaufen.