Diu welt was gelf, rôt unde blâ,
Grüen in dem walde und anderswâ,
Die kleinen vogel sungen dâ,
Nû schrîet aber diu nebelkrâ.
Hat si iht ander varwe? Jâ,
Sist worden bleich und übergrâ.
Des rimpfet sich vil manic brâ.
Ich saz ûf einem grüenen lê,
Da entsprungen bluomen unde klê,
Zwischen mir und jenem sê.
Der ougenweide was dâ mê.
Dâ wir schapel brâchen ê,
Dâ lît nû rîfe und ouch der snê.
Daz tuot den vogellînen wê.
Die tôren sprechent, snîâ, snî!
Und arme liute, owî, owî!
Des bin ich swaere alsam ein blî.
Des winters sorge hân ich drî:
Swaz der und ouch der ander sî,
Der wurde ich aller schiere frî,
Waer uns der sumer nâhe bî.
Winter Songtext auf Deutsch von Qntal durchgeführt und Urheberrechte sind Eigentum der Autoren, Künstler und Labels. Sie sollten beachten, dass Winter Songtext auf Deutsch durchgeführt von Qntal ist nur für didaktische Zwecke, und wenn Sie den Song mögen, sollten Sie die CD kaufen.