Dä Ein läuf em Hawaihemp rümm,
dä Andre nur en schwazz,
dä Eine schlööf em Wasserbett,
dä Andre op ner Luffmatratz.
Dä Ein drink leever Wasser
un dä Andre leever Wing,
die miehste stonn op Zärtlichkeite,
Masochiste stonn op Ping.
Dä Ein freut sich op Weihnachte
un dä Andere op Karneval.
Dämm Ein sing Ühl ess dämm Andere sing Nachtijall
Dä Eine fährt op Techno aff,
dä andere op Rock'n'Roll.
Während dä Ein sich völlig secher ess
frööht sich dä Andre, wat dat soll.
Manch einer jläuv an Buddha,
ming Oma nimmp dä Paps für voll.
Trotz allem schwört dä Will noch op Karl Marx,
ich kenne Lück, die wähle Helmut Kohl.
Dä Eine zeich jähn vill Jeföhl
un dä Andre blieht jähn kalt.
Dämm Ein sing Uhl ess dämm Andere sing Nachtijall.
Dä Eine ess Zweckpessimist un dä Andre nonchalant.
Während ich miehstens saare: "Jeht schon klar!",
mohls du jähn Düüvel ahn de Wand.
't Salz en der Supp sinn Jäjesätz,
dat Zauberwoot heiß "Toleranz"
Om eezte Schild vum Ruusemoondaachszoch steht:
"Jeck, loss Jeck elans!"
Un noch'ne Sproch ess bahl ald widder neu,
ich kenn en sick ner Ewigkeit:
"Et jitt kei jrößer Leid, als wat der Minsch sich selvs ahndeit."
Naachtijall Songtext auf Deutsch von BAP durchgeführt und Urheberrechte sind Eigentum der Autoren, Künstler und Labels. Sie sollten beachten, dass Naachtijall Songtext auf Deutsch durchgeführt von BAP ist nur für didaktische Zwecke, und wenn Sie den Song mögen, sollten Sie die CD kaufen.