Zum Seitenanfang

Übersetzung Liebesleed Songtext auf Deutsch

Dich Katharina nenn ich Kapstadt,
Weil do mich wigger hoffe löös.
Du stehs als Kap der joode Hoffnung
Felsenfest - stark op eijne Fööß.
Mancheiner luhrt, wenn hä vorbeikütt,
Ob de Mitleid spürs oder Zorn,
Op do ihn ohne Sturm vorbeilöös.
De miehste lööste, do heiß nit Kap Horn.

Dich, Dorothea, dich nenn ich Dresden.
Do woors kapott, do woors ussjebrannt.
Saach, häss do dich janz vun selfs jefange,
Oder häss do ahm Eng dä Phönix janz joot jekannt?
Do weiß, wat loss ess, wenn nix loss ess.
Do kenns ding Fähler - kenns ding Pesch.
Ich weiß, dat, wenn de laachs, et ähns meins.
Vüür allen Dingen bess do echt.

Un Vera, dich nenn ich Verdun.
Do woods ömworbe, woods ömkämpft.
Manch einer hätt dich schon erobert,
Ävver nur uss Prestige, weil sons nix zählt.
Öm dich zo kämpfe, dat sching mer sinnlos.
Do bess zerschosse, ömjeplösch.
Die Zick, wo Männer für dich storve,
Steht dir jeschrewe em Jeseech.

Dich, Nora, dich nenn ich Nordpol.
Do tricks mich ahn wie ne Magnet,
Un weil ich nie mieh zo dir hin will,
Weiß ich jenau, wie schwer dat weed.
Ich benn die Noodel en dingem Kompaß.
Do mähs mich heiß, un do selvs blievs kalt.
Ich blieven he en der Antarktis.
Nä, Kind, mer weede nie zosamme alt.

Doch do Maria heiß Marokko,
Denn do will ich sick langem hin.
Ich hann kein Ahnung, wat en Marokko loss ess.
Am Eng will ich jraad deswäje hin.
Ich weiß, dat ich en vier Daach do wöhr,
Für eine koote Sommer lang,
Un daß du dat do nie met mir nohuss köhms.
Waat aff, ich kumme Kind, bess dann.

Liebesleed Songtext auf Deutsch von BAP durchgeführt und Urheberrechte sind Eigentum der Autoren, Künstler und Labels. Sie sollten beachten, dass Liebesleed Songtext auf Deutsch durchgeführt von BAP ist nur für didaktische Zwecke, und wenn Sie den Song mögen, sollten Sie die CD kaufen.


Was ist die Bedeutung von Liebesleed Songtexte auf Deutsch?