1)
En minger Strooß wonnt ene Typ,
ne affjebröhte Drogenfreak.
Letztens verzählt dä mir, er hädden neuerdings 'e Riesenproblem.
Un zwar - erklärt mir dä Mann -
fing singe Trip noch janz cool ahn,
op eimohl riss dä Film, su kann et jonn
un er sooch fette Ratte vüür sich stonn.
Refr.:
Fette Ratten, jrooße fette Ratten,
fette Ratten, jrooße fette Ratten,
igitt ! haut aff ! nä nit ! haut aff !
2)
Se wooren häßlich, schwazz - ruut - jold
un hann ihm ahn die Jurjel jewollt,
jrausam ajressiv, wie fernjesteuert leefen se ihm noh.
Hä schrie: " Oh Shit, ne Horrortrip
uss nem kapotte Crumb - Comic - Strip !"
Doch selvs ahm Daach donoh wohren se immer noch do.
Refr.:
Fette Ratten, jrooße fette Ratten,
fette Ratten, jrooße fette Ratten,
igitt ! haut aff ! nä nit ! haut aff !
Hä sieht se övverall, bei Daach un Naach,
op der Strooß, em Kino em U-Bahnschacht,
unger'm Bett, om Klo,
em Fernsehn, em Büro,
en der Kneip, em Cafe
om Sozialamp, beim FC,
wo e jeht un steht,
alles watt e sieht, sinn
Refr.:
fette Ratten, jrooße fette Ratten,
fette Ratten, jrooße fette Ratten,
igitt ! haut aff ! nä nit ! haut aff !
3)
Sick jestern nimmp dä Mann kein Drogen mieh.
Woröm och Haschisch, Koks un L.S.D. ?
Denn jede Halluzination ess mittlerweile Wirklichkeit.
Deshalv röht unsre Typ : Kauft Rattejeff
un maat se platt, wo immer ihr se trefft,
denn wie en Seuche, wie en Krankheit maachen se sich övverall breit.
Refr.:
Fette Ratten, jrooße fette Ratten,
fette Ratten, jrooße fette Ratten,
igitt ! bah bah ! haut ab ! aaha !
Fette Ratten Songtext auf Deutsch von BAP durchgeführt und Urheberrechte sind Eigentum der Autoren, Künstler und Labels. Sie sollten beachten, dass Fette Ratten Songtext auf Deutsch durchgeführt von BAP ist nur für didaktische Zwecke, und wenn Sie den Song mögen, sollten Sie die CD kaufen.