Un manchmohl denk ich noch ahn dich
Nit off, doch et kütt vüür
Dat ich jet hühre oder sinn
Un schon stehß du vüür mir:
Em Parka, Stivvel, Minirock
Un der France Gall-Frisur
Du häss die janze Stadt verzückt
Ding Art un ding Fijur
Op jeden Fall häss du mich
Schließlich kloorjemaat
Miehstens unzertrennlich
Doch off och sonderbar
Un manchmohl woorste sujar treu
Naja, du woors halt wild
All veezehn Daach woor et vorbei
Dann 't nähxte Trauerspill
Ming eezte Songs jingen ahn dich
Die miehste bettersööß
Larmoyanz, Melancholie
Un manche nur nervös
Ich weiß nit, ob ich jemohls
Mich bei dir bedankt
Für Leidenschaft und Unschuld
Trost un ... allerhand
Op jeden Fall häss du mich
Schließlich kloorjemaat
Miehstens unzertrennlich
Doch off och sonderbar
Ich hoff, du bess glöcklich
Wo immer du bess
Un och, dat du mich
Nit völlig verjiss
Op jeden Fall häss du mich
Endlich kloorjemaat
Miehstens unzertrennlich
Doch irjendwie bizarr
Un manchmohl denk ich noch ahn dich
Nit off, doch et kütt vüür
Dat ich jet hühre oder sinn
Un schon stehß du vüür mir
Miehstens Unzertrennlich Songtext auf Deutsch von BAP durchgeführt und Urheberrechte sind Eigentum der Autoren, Künstler und Labels. Sie sollten beachten, dass Miehstens Unzertrennlich Songtext auf Deutsch durchgeführt von BAP ist nur für didaktische Zwecke, und wenn Sie den Song mögen, sollten Sie die CD kaufen.