Et jitt e Spill, dat - gläuv ich - jeder kennt, vun dämm et heiß: "Dä Dömmste jewennt". Ahm besste ess, wenn du zwei Sibbener häss, dozu zwei Buhre ... verjess dä Ress ... Mau-Mau ... Mau-Mau. Vun wäje "Dame, König oder As", nur die Kaat zählt, die op die vorje pass. Läät einer 'n Sibbe, trick dä nächste zwei un für sing Buhre hätt mer Wünsche frei ... Mau-Mau ... Mau-Mau. Mau-Mau ess wie et Lääve, Mau-Mau ess 'ne Flooch, vun Kind ahn kritt mer dovun nit jenooch, weil einem sons nix övvrich bliev. Mer spillt Mau-Mau, weil et die Zick verdriev. Mau-Mau ess Blöfferei, Kismet ... laach dobei!! Mau-Mau ess Glöcksaach, nit e bessje fair, jraad weil et einfach ess, off furchbar schwer. Na klar, Mau-Mau hätt nix zo dunn met Schaach, wer keine Spaß verdräht, kritt janz flöck Krach. Für Mau-Mau bruchs du'e Poker-Face, domet du nit ding leezte Kaat verrööts ... Mau-Mau ... Mau-Mau. Vun der hängk alles aff, nur eins ess link: wenn einer Sibbener un Buhre zink. Mau-Mau ess Einsamkeit, wenn du nit weiß met welcher Kaat du dich ahm besste stehs ... Mau-Mau
Mau Mau Songtext auf Deutsch von BAP durchgeführt und Urheberrechte sind Eigentum der Autoren, Künstler und Labels. Sie sollten beachten, dass Mau Mau Songtext auf Deutsch durchgeführt von BAP ist nur für didaktische Zwecke, und wenn Sie den Song mögen, sollten Sie die CD kaufen.