Wieso mohts du mir bloß passiere, wofür weed ich bestroof,
dat ich als Dilledopp rotiere un sick Woche niemieh schloof?
Wo ich och hin will, ich land immer nur vüür dinger Düür,
ich kumm mir vüür wie fernjesteuert - wat mähß du met mir?
Die Sonn jeht op, wenn du rinküss, wie spät et och ess,
un jede Silb vun dir kling logisch, wat du och sähß.
Doch unger uns - die eijentliche Sensation:
Ich weede noh un noh zum Chamäleon!!!
Refr.:
Ich benn dir restlos verfalle,
ich benn hoffnungslos hin.
Dunn mir doch endlich dä Jefalle
jeff mir ming Medizin.
Ich loss dich als Madonna mohle, lääsch dir Ruhse vüür de Düür,
hühr Michael Jackson - wenn ich soll, drink alkoholfrei Bier.
Ich dunn mich veedelstündlich kämme un rasiere, wenn ich muss,
doch bitte loss mich jet nit hänge, scheck mich nit nohhuss!!
Refr.:
Ich benn dir restlos verfalle,
ich benn hoffnungslos hin.
Dunn mir doch endlich dä Jefalle
un jeff mir ming Medizin.
Ich kann mich niemieh konzentriere,
verfranse mich ahn einem Stöck,
kann mir dat alles nit erkläre,
jonn mir ald selver op de Söck.
Ich hühr mich nur noch Schwachsinn lalle,
du jehs mir niemieh uss em Senn.
Dunn mir doch endlich jä Jefalle:
Jeff mir ming Medizin!!!
Hoffnungslos Hin Songtext auf Deutsch von BAP durchgeführt und Urheberrechte sind Eigentum der Autoren, Künstler und Labels. Sie sollten beachten, dass Hoffnungslos Hin Songtext auf Deutsch durchgeführt von BAP ist nur für didaktische Zwecke, und wenn Sie den Song mögen, sollten Sie die CD kaufen.