Saat, meint ihr nit, et wöhr ald ziemlich spät? 't ess joot en Stund her, dat mer't letzte Leed jespillt un ahnsaat hann, dat donoh dä Vüürhang fällt. Parforceritt durch drei Johrzehnte Repertoire, dat do jet fähle moht woor jedem klar, denn ir'ndwie sieht et uss, als hätt dä Trip üch Spass jemaat. Wahnsinn wie schnell drei Stunde verjonn, op su 'nem Ritt durch die Zigg un wo se nit all uns Leeder verstonn! Ess et nit herrlich?! Morje ess et widder su wigg. Denn morje spill mer enn dä nähxte Stadt. Och nit zum eezte Mohl, denn wie jesaat: Noh all dä Johre ess uns kaum en Steckdos unbekannt. Ich hoff, mer sinn uns widder, irjendwann. Wat mich betrifft, ich benn ald jetz jespannt, wat bess dohin passiert. Hey, passt joot op üch op, bess dann. Wenn et Saalleech anjeht, läuf noch elejant "We'll meet again" als Lullaby vum Band, die Bühn weed affjebaut un noh un noh em Truck verstaut. Jläuv mir, die Crew weet langsam nervös, dä Nightliner waat – em Ähnz – wenn ihr morje fröh wachweed, dann steht dä janze Krempel he ald widder enn ner andere Stadt
Nähxte Stadt Songtext auf Deutsch von BAP durchgeführt und Urheberrechte sind Eigentum der Autoren, Künstler und Labels. Sie sollten beachten, dass Nähxte Stadt Songtext auf Deutsch durchgeführt von BAP ist nur für didaktische Zwecke, und wenn Sie den Song mögen, sollten Sie die CD kaufen.