Ich wünsch mir, do wöhrs he
Ich wünsch mir, du wöhrs he
Dä Oleander blöht, die Uhr ess ömjestellt,
Daach für Daach verjeht, bess mer nit mieh nohzällt.
Klatschmohn em Fahnemeer, jääl, himmelblau un jröön,
Dä Prinz weed affjefiert, duhrt noch jet, bess mer ’n krönt.
Ich wünsch mir, du wöhrs he, Du wöhrs he bei mir –
Drusse enn der Naach ’ne Muezzin.
Ich wünsch mir, du wöhrs he, Du hätts längs kapiert,
Wieso ich noch ens hermoht unbedingk.
Die Strooß litt do wie ’n Schlang, ussjestreck enn der Sonn,
Su harmlos wie se kann, Saharasand ess blond.
Kaum Wasser mieh em Fluss, dä Sommer steht parat,
’Ne övverfüllte Bus, enn Rissani ess Maat.
Ich wünsch mir, du wöhrs he, Du wöhrs he bei mir,
He bei mir un künnts alles selver sinn.
Ich schriev dir e’ klei Leed Un scheck et heim noh dir,
Pass joot drop op, bess ich et dir sing.
Kanone op ’ner Muhr, dozwesche Fatima,
Mir selver op der Spur, bess demnähx, Inch’Allah!
Ich Wünsch Mir, Do Wöhrs He Songtext auf Deutsch von BAP durchgeführt und Urheberrechte sind Eigentum der Autoren, Künstler und Labels. Sie sollten beachten, dass Ich Wünsch Mir, Do Wöhrs He Songtext auf Deutsch durchgeführt von BAP ist nur für didaktische Zwecke, und wenn Sie den Song mögen, sollten Sie die CD kaufen.