Er hätt Häng wie 'ne Bagger, ess 'ne Kääl wie 'ne Baum. Er hätt ziemlich schlääsch jeschloofe, jede Naach däselve Draum. Er broht dä Wecker nit zo stellen, keine Termin. Die Stechuhr, die verhaßte, waat nit op ihn. Sing Arbeit mäht jetz 'ne Computer, irjend 'ne Chip. Hätt et kumme jesinn, doch leider nötz ihm dat nix. Er gläuv janix mieh, alles Lüje, un em Radio singk irjendeiner vun Liebe un Triebe. Halver Sechs un 'e setz ahm Köschendesch un 'e fröht sich: "Wiesu ich? All die Johre – woor dat nix?" Un sing Phantasie läuf Amok - wie 'ne ahnjestochne Stier. Läuf Amok - hilflos wie 'e Dier. Er läuv Amok, och wenn et rein janix bringk. Amok - wie 'n 'nem billije Fernsehfilm. Dat he's sing dritte Tass Kaffee un sing vierte Zigarett. Er mäht et Fröstöcksfernsehen ahn, leis, weil sing Frau litt noch em Bett. Er jitt sich Möh zo kapiere, wat dä Kanzler erklärt. Et fällt schwer t'konzentriere - woor widder spät. Aach Fläsche Bier un dä letzte Müll och noch jeluhrt. Bloß nit bei ihr och noch versaare. Kann't nit aff, wenn sie'n beduhrt. "Einfach wegrationalisiere, ...wie soll ei Minsch do nit zom Zyniker weede, resigniere?" Keine Zweck, föhlt sich wie dä letzte Dreck. Immer widder: "Wiesu ich? All die Johre, woor dat nix?? Un sing Phantasie läuf Amok ...
Amok Songtext auf Deutsch von BAP durchgeführt und Urheberrechte sind Eigentum der Autoren, Künstler und Labels. Sie sollten beachten, dass Amok Songtext auf Deutsch durchgeführt von BAP ist nur für didaktische Zwecke, und wenn Sie den Song mögen, sollten Sie die CD kaufen.